Երեկ Թուրքիայի խորհրդարանում տեղի է ունեցել ծեծկռտուք։ Միջադեպի պատճառ են դարձել «Ազգային անկախություն» կուսակցության պատգամավոր Օսման Դուրմուշի կողմից վարչապետ Ռեջեփ Թայիփ Էրդողանի և նրա տիկնոջ հասցեին արված աննրբանկատ արտահայտությունները։  «Hurriyet»-ը գրում է, որ Էրդողանի կնոջն արգելել են մասնակցել GATA-ի նիստին, քանի որ վերջինս գլխաշորով էր։ «Էրդողանն ինքն իրեն Մարգարե է անվանում։ Ի՞նչ Մարգարե է նա, եթե նրա կնոջը չեն թողնում նիստի մասնակցել»,-հայտարարել է Դուրմուշը։ Ի պատասխան՝ իշխող կուսակցության պատգամավորները տեղերից վանկարկել են. «Դադարեցրու՛ անամոթությունը»։ «Չփորձե՛ս տալ մեր ղեկավարի անունը»։ Ամբիոն բարձրանալով՝ Էրդողանը պատգամավորի ելույթն անվանել է «անդաստիարակ»։ «Ի՞նչ իրավունք դու ունես տալու իմ կնոջ անունը։ Դու՝ խղճուկդ, մինչև հիմա չգիտես «Մարգարե» բառի իմաստը»,-պատգամավորին վրդովմունքով դիմել է Թուրքիայի վարչապետը։ Նրա ելույթի ընթացքում «Ազգային անկախություն» և իշխող կուսակցությունների պատգամավորների միջև շարունակվող լեզվակռիվը վերածվել է ծեծկռտուքի։ Այա ամենից հետո Էրդողանի թիմակից Ալի Քոյունչուն տեղափոխվել է հիվանդանոց, իսկ վարչապետը դուրս է բերվել դահլիճից։