Հունվարի 21-ին բարեգործական ՀԿ-ների շարքը համալրեց ևս մեկը՝ «Երիտասարդ համալսարանականների միավորումը»։

Այսօր լրագրողների հետ հանդիպման ժամանակ ՀԿ-ի նախագահ Գևորգ Մելիքյանն ասել է, թե իրենք ավելի քան 100 անդամ ունեն։

-«Երիտասարդական համալսարանականների միավորումը» ոչ միայն բարեգործական ակցիաներ է իրականացնում, որի շնորհիվ ուսանողները կարող են որևէ կերպ աջակցել սոցիալական խնդիրներ ունեցող մարդկանց, այլև ակտիվացնում է ուսանողությանը։ Մենք կարծում ենք, որ ուսանողը պետք է ակտիվ լինի ոչ միայն քաղաքական, այլև սոցիալական պրոցեսնրում,-նշել է նա։

Իսկ թե որտեղից են բարեգործության համար գումար հայթայթում, Գևորգ Մելիքյանը պատասխանել է, թե մարդիկ են հագուստներ տրամադրում՝ սոցիալապես անապահով խավին տրամադրելու համար։

Նա վստահեցրել է, որ ամեն մեծ գործ էլ փոքրից է սկսվում, և շահագրգիռ անձանց, մեծահարուստներին կոչ է արել աջակցուցյուն ցուցաբերել։

Այն հարցին, թե չե՞ն վախենում, որ մեծահարուստներից օգնություն ստանալով՝ կդառնան նրանց PR գործիքը, Գևորգ Մելքոնյանը պատասխանել է, թե մեծահարուստները PR-ի կարիք չեն զգում։

7or.am