Դեկտեմբերի 6-ին Երեւանում մեկնարկեց հավաքական անվտանգության պայմանագրի կազմակերպության անդամ երկրների ներքին գործերի նախարարությունների եւ ոստիկանության' մարդկանց առեւտրի դեմ պայքարի ստորաբաժանումների ղեկավարների  եւ մասնագետների աշխատանքային հանդիպումը:

Բացման խոսքով հանդես եկավ ՀՀ ոստիկանության ԿՀԴՊ գլխավոր վարչության թրաֆիքինգի դեմ պայքարի բաժնի պետ, ոստիկանության փոխգնդապետ Տիգրան Պետրոսյանը: Նա ներկայացրեց ՀՀ-ում թրաֆիքինգի ծագման նախապատմությունը' սկսած Խորհրդային Միության փլուզումից մինչեւ օրս:

Զեկույցում նշվեցին նաեւ այն երկրները, որտեղ առանձնապես շատ են արձանագրվել թրաֆիքինգի դեպքերը: Անդրադարձ եղավ նաեւ  ՀԱՊԿ անդամ երկրների ՆԳ եւ ոստիկանության համապատասխան ստորաբաժանումների միջեւ փոխհամագործակցությանը, ինչն առավել կբարձրացնի թրաֆիքինգի դեմ պայքարի արդյունավետությունը:

Հանդիպմանը ներկա էին նաեւ մի շարք  հասարակական կազմակերպությունների  ներկայացուցիչներ:

Աշխատանքային հանդիպումը կշարունակվի դեկտեմբերի 7-ին: