Ինչպես արդեն տեղեկացրել էինք, վերլուծաբան Ստեփան Գրիգորյանն ասել է, թե ավելի ճիշտ կլիներ, եթե Հայաստանն առաջինը վավերացներ հայ-թուրքական արձանագրություններն ու մնացածը թողներ Թուրքիային։ Կովկասյան ինստիտուտի տնօրեն, քաղաքագետ Ալեքսանդր Իսկանդարյանը, անդրադառնալով դրան, նշել է, թե չի սիրում մեկնաբանել իր գործընկերներին։

-Լավ կլիներ, վատ կլինի....պետք չէ այդպես դատել։ Ես տրամաբանված  եմ համարում այն ռազմավարությունը, որը որդեգրել է Հայաստանը։ Ես տրամաբանություն եմ տեսնում նաև Ստեփան Գրիգորյանի ասածի մեջ, բայց դրա մասին խոսելը հիմա անիմաստ է։ Ակնհայտ է, որ Հայաստանն այս կերպ է ձևակերպել Թուրքիայի հետ հարաբերություններ հաստատելու գործընթացը, և եղածն արդեն եղած է։ Ոչ ոք այսօր չի կասկածում, որ եթե թուրքերը ողջամիտ ժամկետում մադավարի վավերացնեն այս արձանագրությունները, ՀՀ ԱԺ-ում կոլաիցիան, ավելի շատ լինելով ընդդիմությունից, ևս կվավերացնի։ Եվ այսօր խոսել այն մասին, թե ինչ կլիներ, եթե այլ կերպ լիներ մեկ տարի առաջ, անիմաստ է,-նշել է նա։

7or.am