Այսօր առաջին անգամ խորհրդարանի աշխատանքներին որպես պատգամավոր մասնակցող, թիվ 10 ընտրատարածքից ընտրված Արա Սիմոնյանը, այդուհանդերձ, պատասխանել է մի շարք հարցերի։ «7օր»-ի թղթակիցը նրանից մասնավորապես հետաքրքվել է՝ եթե հայ-թուրքական արձանագրությունները ներկայացվեն ՀՀ ԱԺ-ի վավերացմանը, նա դրակա՞ն կքվեարկի.

-Ես կողմ եմ այդ արձանագրություններին,- պատասխանել է նա։

Ա. Սիմոնյանը նաև նշել է, որ գրեթե բոլոր պատգամավորներին ճանաչում է, և նրանց բոլորին էլ իր համագործակցությունն է առաջարկում.

-Ակնկալում եմ նրանց կողմից նույն համագործակցությունը։

«Ազգային միաբանություն» կուսակցությունը ներկայացնող պատգամավորի խոսքերով՝ ԱԺ-ում իր առաջին օրը շատ լավ է անցել, և ադապտացվելու խնդիր չի ունեցել.

-Հո անմարդաբնակ կղզի չե՞մ եկել։ Ի՛մ Հայաստանն է, մե՛ր ժողովուրդն է, մե՛ր պատգամավորներն են,- նշել է Ա. Սիմոնյանը։

Իսկ հարցին, թե հատկապես ո՞ր խնդիրների վրա է իր ուշադրությունը դարձնելու, և ի՞նչ օրենսդրական նախաձեռնությամբ է պատրաստվում հանդես գալ, նա այսպես է պատասխանել.

-Կտեսնենք։ Այսօր առաջին օրն է։

7or.am