Ադրբեջանի պաշտպանության նախարարության տարածած հաղորդագրությունում նշվում է, որ Նախիջևանի Օդրուբադի շրջանի դիմաց՝ Հայաստանի սահմանի մոտ հայտնաբերվել է ժամկետային զինծառայող Ջալիբեյլի Բահրուզ Փարվիզ օղլուի (Cəlilbəyli Bəhrüz Pərviz oğlu) դին: Նա զորամասում գործած ռազմական հանցագործությունից հետո փախուստի էր դիմել:

Ադրբեջանական գերատեսչության տրամադրած տվյալների համաձայն՝ Բահրուզ Ջալիբեյլին (ծնված 27.11.1998թ.) ժամկետային զինծառայության էր զորակոչվել 2017 թ. հունվարի 5-ին:

Ադրբեջանի ՊՆ հաղորդագրությունում տրված զինծառայողի անունը համապատասխանում է սեպտեմբերի վերջին գրանցված դեպքի տվյալներին: Այդ ժամանակ նշվում էր, որ Ջալիբեյլի Բահրուզ Փարվիզ օղլուն սպանել է իր 3 համածառայակցին և փախուստի դիմել:

Ավելի վաղ ՀՀ ՊՆ տարածած հաղորագրությունում նշվում էր, որ ՀՀ ԶՈւ զինծառայողները միջդիրքային գոտում ադրբեջանցի զինծառայողի դիակ են հայտնաբերել:

Աղբյուրը՝ razm.info