Սիրո և երիտասարդության բարեխոս Սուրբ Սարգսի տոնի կապակցությամբ ՀՀԿ խմբակցության քարտուղար Էդուարդ Շարմազանովը երիտասարդներին սեր և երջանկություն է մաղթել։

-Թող Աստված իրենց միշտ սիրո մեջ պահի, և երիտասարդությունը լավ կյանք ունենա, ապրի խաղաղ պայմաններում։ Թող մի բան լավ գիտակցեն՝ երջանկությունը ո՛չ ֆինանսի, ո՛չ պաշտոնական դիրքի հետ կապ չունի։ Երջանկությունը հոգու զգացում է, որը պայմանավորված է միայն սիրով։ Ես մեր երիտասարդությանը մաղթում եմ, որ սիրո՛վ պայմանավորված երջանկությունը հետևի նրանց ամբողջ կյանքում։ Սուրբ Սարգսից էլ խնդրենք, որ իրենց հետ լինի,-«7օր»-ին ասել է նա։

Էդուարդ Շարմազանովը կես կատակ խոստովանել է, որ առաջին սերը եղել է մանկապարտեզում, իսկ ավելի լուրջ՝ բարձր դասարաններում։

-Յուրաքանչյուր սիրահարված մարդ իմ կարծիքով խենթություններ արել է։ Չէ՞ որ սերը հենց խենթություն ու գժություն է պահանջում,-ասել է նա։

Իսկ թե ի՞նչ խենթություններ է արել հանուն սիրո, Է. Շարմազանովը չցանկացավ պատմել՝ նշելով, որ այդ խենթությունների մասին լավ գիտեն նրանք, ում համար արվել են։

7or.am