Աղմկահարույց պատմության կիզակետում հայտնված դերասան Արմեն Ջիգարխանյանին բերման են ենթարկել իր կնոջ անունով ձեռքբերված Մոսկվայում գտնվող բնակարան մտնել փորձելու ժամանակ։ Նա ցանկացել է իր իրերը վերցնել բնակարանից։

Վիտալինա Ցիմբալյուկ-Ռոմանովսկայայի մտերիմ ընկերուհին dni.ru-ին հայտնել է, որ այդ բնակարանն Արմեն Ջիգարխանյանի կնոջ սեփականությունն է․

«Նա այդ բնակարանի նկատմամբ ոչ մի իրավունք չունի։ Բնականաբար, կանչով ժամանած ոստիկանները բռնել են դերասանին, և բնակարանը, թեև պայքարով, բայց հաջողվել է պաշտպանել ներխուժումից»,-հայտնել է ընկերուհին՝ հավելելով, որ դերասանը և նրա ընկեր Արթուր Սողոմոնյանը փորձել են կոտրել կողպեքը և դուռը:

Նշենք, որ հիվանդանոցից դուրս գրվելուց հետո դերասանը մի քանի օր ապրել է թատրոնում, իսկ հետո ընկերները նրա համար 3-սենյականոց բնակարան են վարձել:

Ավելի վաղ տեղեկացրել էինք, որ 82-ամյա դերասանի երիտասարդ կինը՝ իր մոր և հոր հետ, հոկտեմբերի 29-ի ուշ երեկոյան գաղտնի կերպով հեռացել է Ռուսաստանից։

7or.am