Համաձայն Պետական եկամուտների կոմիտեի տվյալների' մուտքերի ծրագրված ցուցանիշը ՊԵԿ-ը գերակատարել է շուրջ 20 մլրդ, իսկ նախորդ տարվանը' շուրջ 70 մլրդ դրամով, պարտադիր սոցիալական վճարների մասով ևս գերակատարում է արձանագրվել շուրջ կես մլրդ դրամի չափով:  Անցնող հետճգնաժամային տարում Պետական եկամուտների կոմիտեի գլխավոր խնդիրն է եղել բյուջետային մուտքերի անհրաժեշտ մակարդակի ապահովումը, ինչը, կոմիտեի տվյալներով, հաջողվել է իրականացնել: Իսկ 2011 թվականին ՊԵԿ-ի գերակա խնդիրներից է լինելու հարկ վճարողների սպասարկման որակի բարձրացումը:

Տարեվերջյան ամփոփիչ ասուլիսում ՊԵԿ նախագահ Գագիկ Խաչատրյանը լրագրողներին հայտնել է, որ բյուջետային մուտքերը հիմնականում ապահովվել են խոշոր հարկ վճարողների հաշվին.

-Երեք հազար հարկ վճարող ապահովել է մուտքերի 80%-ը: Խոշոր հարկ վճարողների հարկային տեսչության կողմից սպասարկվող 325 հարկ վճարողներն ապահովել են մուտքերի շուրջ 50%-ը, ասել է թե' հարկային հիմնական բեռը ոչ թե փոքր և միջին ձեռնարկատերերի, այլ խոշոր հարկատուների վրա է դրված եղել,-ասել է նա:

7or.am