Հոկտեմբերի 1-12-ին Թուրքիայի ԶՈւ ռազմաօդային ուժերի 3-րդ ավիաբազայում՝ Քոնիա, անցկացվում է «Ազգային Անադոլուի փյունիկ» (Millî Anadolu Ankası) ՌՕՈւ զորավարժությունը: Ներգրավվել են բոլոր զորատեսակներից ստորաբաժանումներ, հատուկ նշանակության ստորաբաժանում: Այս մասին հայտնում է Թուրքիայի ԶՈւ ԳՇ կայքը:

Զորավարժության նպատակը համատեղ և/կամ միասնական գործողության ընթացքում փրկարարական սցենարով առաջադրանքների իրականացումը և վարժանքների մասնակիցների միջև համատեղ աշխատելու ունակության բարձրացումն է:

Վարժանքներին ներգրավվել են Թուրքիայի ՌՕՈւ՝

• F-16 կործանիչ,
• AS-532 Cougar բազմանպատակային ուղղաթիռ,
• Վաղ նախազգուշացման և վերահսկման պարեկային ինքնաթիռ:

Թուրքիայի ցամաքայի զորքերի՝

• Բազմանպատակային ուղղաթիռ,
• Փրկարարական խումբ:

ԶՈւ ԳՇ հատուկ նշանակության ուժերի՝

• Բազմանպատակային ուղղաթիռ,
• Մեկ ջոկ:

Զորավարժությանը կմասնակցի նաև ռազմածովային ուժերի «ստորջրյա հարձակման» մեկ ջոկ:

Աղբյուրը՝ razm.info