ԱԺ ՀՀԿ խմբակցության քարտուղար Էդուարդ Շարմազանովը, անդրադառնալով ԵԽԽՎ, ազգությամբ թուրք, նորանշանակ նախագահ Մովլուդ Չավուշօղլուի այն հայտարարությանը, թե «ղարաբաղյան հիմնախնդրի վերաբերյալ ԵԽԽՎ որոշումները պետք է կյանքի կոչվեն, իսկ ԵԱՀԿ Մինսկի խումբը պետք է ակտիվացնի իր գործունեությունը, որպեսզի հակամարտությունը մոտ ապագայում լուծվի»՝ «7օր»–ին ասել է հետևյալը. «ԵԽԽՎ նախագահի պաշտոնում Թուրքիայի կառավարող կուսակցության ներկայացուցիչ Չավուշօղլուի վերջին հայտարարությունը չափազանց անհաջող բենեֆիս է նման բարձր պաշտոնում: Մյուս կողմից այն պարզորոշ ցուցադրում է Թուրքիայի' եվրոնկրտումների անհեռանկարայնությունը. դատեք ինքներդ' ԵԽԽՎ-ի նախագահը, նման հայտարարություն անելիս, առաջնորդվում է ոչ թե ԵԽԽՎ-ի սկզբունքներով ու անկողմնակալ լինելու բարձր արժեքներով, այլ' փորձում է ԵԽԽՎ-ն իր երկրի ու նրա դաշնակից Ադրբեջանի շահերին պատանդ դարձնել»:

«7or.am»