Սեպտեմբերի 23-ին Իրանի իսլամական հեղափոխության պահապանների կորպուսի (ԻՀՊԿ) ցամաքային ուժերը երկրի հյուսիս-արևմուտքում երկօրյա զորավարժություն են սկսելու։ Այս մասին հայտարարել է ԻՀՊԿ ցամաքային զորքերի հրամանատար Մոհամմադ Փաքփուրը. տեղեկացնում է իրանական «Իսնա» լրատվական գործակալությունը։

Զորավարժությունը կրում է «Մոհարրամ» անվանումը։ Խաղարկվելու են Իրանի սահմանների պաշտպանության կազմակերպման առաջադրանքներ:

Զորավարժությանը ներգրավվելու են զրահապատ տեխնիկա, հրետանի, անօդաչու թռչող սարքեր, ավիացիա, հետախույզներ։

Հիշեցնենք, որ սեպտեմբերի 22-ին, Իրանում իրանա-իրաքյան պատերազմի հիշատակին նվիրված զորահանդես է անցկացվել։

Զորահանդեսին Իրանը ցուցադրել է իր նոր «Խորամշահր» բալիստիկ հրթիռը։ Հրթիռն ունի 2000կմ հեռահարություն։

Զորահանդեսին ցուցադրել են նաև տեղական արտադրության այլ հրթիռներ՝ «Ղիամ», «Ղադր-Ֆ», «Ղադր-Հ», «Էմադ», «Սաջիլ», «Զուլֆաղար»։

Աղբյուրը՝ razm.info