Վրաստանի բնակչությունը 2017թ. առաջին կիսամյակում նվազել է: Այս մասին վկայում է երկրի «Սաքստատ» (Գրուզստատ) Ազգային վիճակագրական ծառայության տվյալները:

Վերջին տվյալներով, Վրաստանի բնակչությունը կազմում է 3 մլն 718 հազար 200 մարդ: Այդ ցուցանիշը 15%-ով պակաս է երկրի բնակչության 2002թ. ցուցանիշից: Փորձագետների կարծիքով, բնակչության նվազմանը ազդել են բարձր մահացության ցուցանիշը, ցածր ծնելիությունը և արտաքին միգրացիան:

2017 թվականի հունվար-հունիս ամիսներին Վրաստանում մահացության ցուցանիշը գերազանցել է ծնելիության ցուցանիշը 1.6%-ով: Այսպիսով, տարվա առաջին կիսամյակում գրանցվել է ավելի քան 25,9 հազար մահ, մինչդեռ այս ժամանակահատվածում ծնվել է մոտ 25,5 հազար մարդ:
Հաշվետու ժամանակահատվածում մահացության ամենաբարձր ցուցանիշը գրանցվել է Վրաստանի լեռնային շրջաններում:

Մահացության ցուցանիշը Վրաստանի տարածաշրջաններում հետևյալն է.
– Ռաճա-Լեչխումխում և Քվեմո-Սվանեթիում 2017 թվականի հունվար-հունիս ամիսներին գրանցվել է 345 մահ, ինչը 202% -ով գերազանցում է ծնելիության մակարդակը:
– Գուրիայում հաշվետու ժամանակահատվածում գրանցվել է 941 մահ, ինչը 61% -ով գերազանցում է ծնելիության մակարդակը:
– Մցխեթա-Մթանիեթի շրջանում մահացությունը (հունվար-հունիսին մահացել է 705 մարդ) 52% -ով բարձր է ծնելիության ցուցանիշից:
– Իմերեթիում գրանցվել է 4,7 հազար մահ, ինչը 52% -ով գերազանցում է ծնելիության մակարդակը:
– Սամեգրելո – Զեմո-Սվանեթիում առաջին կիսամյակում մահացել է ավելի քան 2,5 հազար մարդ, ինչը 36% -ով գերազանցում է ծնելիության թիվը:
– Կախեթիում մահացել է ավելի քան 2,4 հազար մարդ, ինչը 28%-ով ավելի է ծնելիության ցուցանիշից:
– Շիդա-Քարթլիում `ավելի քան 1,7 հազար, ինչը 12%-ով ավելի է, քան ծնելիությունը:
– Սամցխե-Ջավախքում 2017 թվականի առաջին կեսին գրանցվել է 917 մահ, ինչը 7% -ով գերազանցում է ծնելիության թիվը:

Միևնույն ժամանակ, Վրաստանում կան նաև շրջաններ, որտեղ այս տարվա առաջին կիսամյակում բնակչության բնական աճ է նկատվում:

Դա Թբիլիսին է, որտեղ հունվար-հունիսին ծնվել է 9.4 հազար երեխա, ծնելիության մակարդակը գերազանցել է մահացության մակարդակը 24% -ով: Աջարիան է, որտեղ ծնվել է 2,7 հազար մարդ, ծնելիությունը 21% -ով գերազանցում է մահվան ցուցանիշը, և Քվեմո-Քարթլի շրջանը, որտեղ ծնվել է ավելի քան 2,6 հազար մարդ, ինչը `12% -ով ավելի է մահվան ցուցանիշից:

Նյութը՝ Новости-Грузия

Աղբյուրը՝ jnews.ge