«Կարին» ավանդական երգի, պարի համույթի գեղարվեստական  ղեկավար,  ազգագրագետ Գագիկ Գինոսյանը կարծում է, որ միայն «Լեզվի մասին» օրենքում կատարված փոփոխությունները բավարար են, որ 2010 թվականը կոչենք Հայաստանի համար ամենաանհաջող տարիներից մեկը։

-Սա հոգևոր ընկեցիկության ցուցանիշ է, և որոշումը կայացրել են իրենց ազգային պատկանելիությունը չգիտակցող և իրենց ծագումնաբանության պատճառով թերարժեքության բարդույթով տառապող մարդիք,-ամփոփելով անցնող տարին՝ «7օր»-ին ասել է Գ. Գինոսյանը։

Նա մաղթել է, որ 2011թ.-ը լինի հոգևոր ինքնամաքրման և ոգեղեն վերածննդի տարի:

-Հոգևոր ինքնամաքրմանն անընդունակ ազգերը պատժվում են մահվամբ: Նաև ինքնաճանաչ է պետք լինել, և կմաղթեի, որ հասկանանք՝ ոչ թե օտար լեզվին վատ տիրապետելն է մեր բազում խնդիրների ծագման պատճառը, այլ  մեր իսկ լեզվին վատ տիրապետելու, մեր տեսակին դավաճանելն ու նրանից օտարանալը: Թող 2011թ.-ը ինքնաճանաչման, մեր տեսակի վերարժևորման և մեր տեսակի նկատմամբ հարգանքի վերագտնելու տարի լինի: Ինքնաճանաչ և ինքնահարգ լինենք, և շատ ու շատ հարցեր ինքնաբերաբար ոչ թե կլուծվեն, այլ նման հարցեր այլևս չեն էլ առաջանա,-ասել է Գ. Գինոսյանը:

7or.am