Սեպտեմբերի 12-ին «Քրդստանի աշխատավորական կուսակցության» (PKK) զինյալների գործողությունների արդյունքւոմ սպանվել է 1 թուրք ուժային, ևս 3-ը՝ վիրավորվել: Քուրդ զինյալները գործի են դրել նախապես ճանապարհին տեղադրած պայթուցիկ սարքը: Այս մասին հայտնում է թուրքական «Սաբահ» պարբերականի կայքը:

PKK-ի անդամները պայթեցրել են թուրք ուժայիններին տեղափոխող զրահամեքենա: Վիրավորվածներից մեկը զինծառայող է, մյուսները՝ ամենայն հավանականությամբ ոստիկանության հատուկ նշանակության ուժերի ծառայողներ:

Սեպտեմբերի 12-ին Թուրքիայի Զու ԳՇ-ն հրապարակել էր թուրք-քրդական բախումների 2017 թ. հունվար-սեպտեմբերի 10 ժամանակահատվածի վիճակագրութոյուն: Ըստ նշված տվյալների՝ թուրքական կողմը ունեցել է հետևյալ կորուստները.

• Թուրքիայի ԶՈւ, այլ ուժային կառույցներ
  • սպանված՝ 127,
  • վիրավոր՝ 356:
• Քաղաքացիականներ
  • սպանված՝ 32,
  • վիրավոր՝ 40:

Աղբյուրը՝ razm.info