«Ակունք» քաղաքական վերլուծությունների կենտրոնի տնօրեն Ռուբեն Հակոբյանը լրագրողների հետ հանդիպման ժամանակ խոսելով ղարաբաղյան հակամարտության կարգավորմանն ուղղված տարածքային ամբողջականության և ազգերի ինքնորոշման նորմերի մասին՝ ասել է, թե դիվանագիտության մեջ դեպքեր կան, երբ օգտագործվում են ձևակերպումներ՝ չհավատալով հանդերձ դրանց երբեմնի իրականացմանը։

-Ես շատ ռեալ տեսնում եմ այն օգուտը, որ Ադրբեջանը կշահի տարածքների ամբողջականության նորմը պրիամբուլայում, ինչպես նաև մադրիդյան սկզբունքներում փաստելով, բայց գործնականում դժվար եմ պատկերացնում, թե Հայաստանն ու ԼՂ-ն ինչ օգուտ են ունենալու, երբ ազգերի ինքնորոշման սկզբունքը ֆիքսվում է։ Տեսական առումով լավ է, բայց գործնականում...։ Եթե մադրիդյան սկզբունքներում հանրաքվեի հարցը թողնված է ամենավերջում, և ճշտված էլ չէ, թե երբ է լինելու (խոսքը 20-30 տարվա մասին է)։ Ընդ որում, դրան նախորդում է տարածքների վերադարձը, փախստականների վերադարձը և այլն։ Սա, ըստ էության, գործնական նշանակություն չի ունենա,-նշել է նա։

7or.am