-Հայ-թուրքական արձանագրությունների տարողունակ լինելը ենթադրում է, որ 2010թ. հազիվ թե ականատես լինենք ղարաբաղյան խնդրի որոշակի ոչ տեսական, այլ գործնական լուծումների,-խոսելով Սոչիում կայացած նախագահների եռակողմ հանդիպման արդյունքների մասին՝ ասել է ԱԺ ՀՀԿ խմբակցության անդամ Արտակ Դավթյանը։

Պատգամավորը նշել է, որ ինքը կիսում է ՌԴ նախագահի և վարչապետի այն տեսակետները, թե «դրանք երկուսն էլ՝ և՛ հայ-թուրքական հարաբերությունները, և՛ արցախյան կարգավորման գործընթացը, այնքան բարդ և տարողունակ են, որ առանձին ընթացող գործընթացներ են»։

-Ուղղակի համոզված եմ, որ կոնկրետ Արցախի հետ կապված իրական, շոշափելի արդյունքներ հազիվ թե նկատելի լինեն,-ասել է Ա. Դավթյանը։

Պատգամավորը նկատել է, որ և՛ Արցախի ինքնորոշման խնդիրը, և՛ այն հարցը, թե Ադրբեջանը երբեք չի համաձայնի այն մտքի հետ, որ ԼՂՀ-ն լինի Ադրբեջանի կազմից դուրս, հին արտահայտություններ են և աստիճանաբար տեղը պետք է զիջեն ավելի կառուցողական դիրքորոշումներին։

7or.am