Սեպտեմբերի 2-ին, ժամը 06:56-ին ԱԻՆ-ում ահազանգ է ստացվել, որ Բաղրամյան 19 հասցեում գտնվող Ազգային ժողովի շենքում ռումբ կա տեղադրված:

Դեպքի վայր են մեկնել մեկ մարտական հաշվարկ և հատուկ նշանակության փրկարարական աշխատանքներ իրականացնող կենտրոնի փրկարարական ջոկատը:

Դեպքի վայրում է գտնվել ԱԻՆ ՓԾ ՔՊ վարչության ուժերի հավաքական կենտրոնի ինժեներական ջոկատի հրամանատարը:

***

ԱԻՆ փոխնախարար Դավիթ Կարապետյանը լրագրողների հետ հանդիպման ժամանակ նշել է, որ ՀՀ Ազգային ժողովի շենքում դեռեւս որևէ ռումբ չի հայտնաբերվել:

«Հետախուզական աշխատանքները դեռ ընթացքի մեջ են»,-ասել է նա։

***

ՀՀ ԱԻՆ-ից հայտնում են, որ տեղազննման արդյունքում ռումբ չի հայտնաբերվել: Ժամը 13:30-ի դրությամբ աշխատանքները ավարտվել են:

7or.am