Երևանի քաղաքապետ Գագիկ Բեգլարյանի հրավերով հունվարի  29-30-ը պաշտոնական այցով Երևան կժամանի Մոսկվայի քաղաքապետ Յուրի Լուժկովի գլխավորած պատվիրակությունը:

Այցի ընթացքում կքննարկվեն Մոսկվայի և Երևանի 2008-2011 թթ. համագործակցության ծրագրի կատարման ընթացքին վերաբերվող հարցեր, ինչպես նաև երկկողմ հետաքրքրություն ներկայացնող մի շարք այլ խնդիրներ:

Պաշտոնական այցի ընթացքում կստորագրվի «Մոսկվայի կառավարության և Երևանի քաղաքապետարանի միջև առևտրատնտեսական, գիտատեխնիկական, հումանիտար ոլորտներում համագործակցության մասին» համաձայնագիր:

Նախատեսվում է նաև համագործակցության ծրագրերի ստորագրում Երևանի Կենտրոն և Մոսկվայի Կենտրոնական, ինչպես նաև Ավան և Հյուսիսային վարչական շրջանների միջև' կրթության, մշակույթի, սպորտի, բարեկարգման, կանաչապատման, համատիրությունների գործունեության և քաղաքային տնտեսության մի շարք այլ ոլորտներում:

 Երևանի քաղաքապետարանի տեղեկատվության

և հասարակայնության հետ կապերի վարչություն