Կենտրոն և Նորք-Մարաշ վարչական շրջանների ընդհանուր իրավասության դատարանում տեղի է ունեցել ԼՂՀ ՊԲ նախկին հրամանատար Սամվել Բաբայանի և մյուսների գործով դատական առաջին նիստը։

Դատավորն է Արշակ Վարդանյանը:

Սույն գործով անցնող 7 մեղադրյալներից Սամվել Բաբայանը, Սանասար Գաբրիելյանը և Արմեն Պողոսյանը կալանավորված են, իսկ մյուսների նկատմամբ կիրառվել է ստորագրությունը՝ չհեռանալու մասին:

Սամվել Բաբայանն առաջադրված մեղադրանքներում իրեն մեղավոր չի ճանաչում։

Մինչ նիստը սկսվելը դահլիճ են թույլատրել ներս մտնել միայն ԶԼՄ-ների ներկայացուցիչներին, և քանի որ դատական նիստի դահլիճը չափազանց փոքր էր ընտրված՝ դրսում հավաքված բազմաթիվ հարազատներին, մտերիմներին և մյուս քաղաքացիներին թույլ չեն տվել ներկա լինել։ Ըստ էության, ստացվում է, որ դատական նիստն ընթանում է կիսափակ։

Պաշտպաններից մեկի բացակայության պատճառով դատական նիստը հետաձգվել է․ այն կշարունակվի օգոստոսի 28-ին՝ ժամը 11:00-ին։

7or.am