Հուլիսի 25-ին, ժամը 15:42-ին ԱԻՆ-ում տեղեկություն է ստացվել, որ Կոտայքի մարզի Չարենցավան քաղաքի մոտակայքում տեղի է ունեցել ՃՏՊ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ Մ-4 ավտոճանապարհի Երևան-Սևան հատվածի 30-րդ կմ-ին Mitsubishi IO մակնիշի 34 CN 984 պետհամարանիշով (վարորդ՝ 1980 թ. ծնված Ռ. Ա.) ավտոմեքենան բախվել է КАМАЗ մակնիշի 032 DD 70 (վարորդ՝ 1975 թ. ծնված Լ. Ո.) պետհամարանիշով բեռնատարին, ինչի հետևանքով Mitsubishi IO-ի ուղևոր Հ. Մ.-ը, մինչ փրկարարների կանչի վայր հասնելը, հոսպիտալացվել է Չարենցավանի ԲԿ, որտեղ ստանալով առաջին բուժօգնություն, տեղափոխվել է Աբովյանի ԲԿ:

Փրկարարները հոսանքազրկել են ավտոմեքենան, փակել գազի բալոնի փականը և մոտեցրել են ավտոմեքենան ավտոքարշակին: