Թուրքիայի արդարադատության նախարար Բեքիր Բոզդաղը մեջլիսում պատասխանել է արդարադատության ոլոտի վերաբերյալ պատգամավորների հարցերին:

Թուրքական «Haber.com» լրատվակայքի տեղեկացմամբ՝ Բոզդաղը տեղեկացրել է, որ այս պահին Թուրքիայի բանտերում անազատության մեջ է գտնվում 2.784 երեխա: Նրանցից 1.047-ը դատապարտյալ են, իսկ 1.737-ը՝ կալանքի տակ են առնված:

Թուրք նախարարը նաև նշել է, որ ընդհանուր առմամբ, այսօր Թուրքիայում կա 85.406 կալանավոր:

Բոզդաղն անդրադարձել է նաև շուրջ երկու տասնյակ նոր վարչական և ընդհանուր իրավասության դատարանների կազմավորման և համապատասխան կադրերի նշանակման ծրագրին: Ըստ նախարարի՝ մինչև 2019թ. սեպտեմբերը այդ դատարանները հաջորդաբար շահագործման կհանձնվեն:

Աղբյուրը` Ermenihaber.am