Թուրքական ընկերությունը ամերիկյան կողմին է հանձնել F-35 կործանիչի 1-ին «կմախքը»

● Աշխարհ

18.07.2017 ● 17:31

Թուրքական ընկերությունը ամերիկյան կողմին է հանձնել F-35 կործանիչի 1-ին «կմախքը»

Թուրքական TAI ավիաշինական ընկերությունը ամերիկյան Northrop Grumman և Lockheed Martin ռազմարդյունաբերական ընկերություններին է հանձնել Թուրքիայի զինված ուժերի համար արտադրվող հինգերորդ սերնդի F-35 կործանիչի 1-ին կմախքը (ֆյուզելյաժ): razm.info-ն գրում է, որ այս մասին հայտնում է թուրքական պետական «Անադոլու» գործակալությունը:

Կործանիչի կմախքի հանձնման արարողությանը ներկա է եղել նաև Թուրքիայի պաշտպանական արդյունաբերության գլխավոր վարչության (ՊԱԳՎ) քարտուղար Իսմայիլ Դեմիրը:

Արարողության ժամանակ Իսմայիլ Դեմիրը հայտարարել է, որ այդ կմախքը հավաքվել է Թուրքիայի օդուժի համար նախատեսված առաջին F-35 կործանիչի համար, որը, ըստ նրա, Թուրքիային են հանձնելու 2018-ի մայիսին: Սակայն դեռևս հուլիսի 6-ին Թուրքիայի պաշտպանության նախարարությունը Twitter-ի իր միկրոբլոգում հայտնել է, որ ամերիկյան արտադրության առաջին 2 միավոր F-35A կործանիչները Թուրքիան կստանա 2019 թվականի ընթացքում:

Այսինքն, մի կողմից Թուրքիայի ՊՆ հաղորդագրությունից ստացվում է, որ առաջին կործանիչները ստանալու են 2019-ին՝ 1 տարի ուշացումով, մյուս կողմից էլ ՊԱԳՎ քարտուղարը հայտարարում է, որ դրանք օդուժին են հանձնվելու 2018-ի մայիսին:

Մինչ այժմ Թուրքիան ընդհանուր առմամբ պատվիրել է 6 միավոր F-35A կործանիչ: Թուրքիան այս կործանիչների գնման մտադրության մասին հայտնել էր դեռևս 2014-ի մայիսին: Թուրքական կողմը նաև հայտնում է ընդհանուր առմամբ 100 նման կործանիչ գնելու մտադրության մասին։

Նշենք, որ դեռևս 2014-ի հունիսին Թուրքիայի Իզմիր (Զմյուռնիա) նահանգում բացվել է ամերիկյան Pratt & Whitney և թուրքական Kale ընկերությունների համատեղ գործարանը, որը նախատեսված է F-35 կործանիչի համար F135 շարժիչի մասերի արտադրության համար:

Բացի այդ, Թուրքիան նաև փորձում է ստեղծել սեփական արտադրության կործանիչ: Այդ մասին թուրքական կողմը հայտարարել է դեռևս դեռևս 2011-ին: Նոր սերնդի տեղական «TF-X» (Turkish Fighter X) կործանիչի արտադրությամբ զբաղվելու է թուրքական TAI ընկերությունը, որն ինքնաթիռի նախագծման համար համագործակցելու է բրիտանական BAE Systems խոշոր ռազմարդյունաբերական ընկերության հետ:

● Այս խորագրի վերջին նյութերը

Վրաստանի նախագահը պետք է որոշի՝ ցանկանում է իր կյանքը շարունակել ճաղերի հետևո՞ւմ, թե՞ ազատության մեջ. Կոբախիձե

22.12.2024 ● 18:03

Վրաստանի վարչապետը նախագահին սպառնացել է քրեական պատասխանատվությամբ, եթե նա նոր ընտրություններ նշանակի:

Թուրքիայի Մուղլա քաղաքում ուղղաթիռը բախվել է հիվանդանոցի շենքին, 4 մարդ է զոհվել (տեսանյութ)

22.12.2024 ● 13:07

Վթարի պատճառները պարզվում են։

Իրանում ավտոբուսի շրջվելու հետևանքով 10 մարդ է զոհվել

21.12.2024 ● 19:34

Որոնողափրկարարական աշխատանքները շարունակվում են:

Գերմանիայում ավտոմեքենան մխրճվել է մարդկանց մեջ, կան զոհեր ու տուժածներ

21.12.2024 ● 11:46

Ոստիկանությունը հայտնել է, որ կարծում է, որ մեքենայի վարորդը գործել է միայնակ:

Նորվեգիայում 170 ուղևորով ինքնաթիռը վայրէջք է կատարել ծովից ընդամենը մի քանի մետր հեռավորության վրա (լուսանկար)

20.12.2024 ● 16:07

Միջադեպի պատճառը եղել են սայթաքուն թռիչքուղին և քամին։

Ադրբեջանում թուրքական ռազմաբազա պետք չէ․ Ալիև (տեսանյութ)

18.12.2024 ● 10:31

Ադրբեջանի և Թուրքիայի դաշնակցային հարաբերությունների մասին Շուշիի հռչակագրում կետ կա, որը ենթադրում է փոխադարձ ռազմական օգնություն սպառնալիքի և ագրեսիայի դեպքում։

Կարմիր գծերի դեմ պայքարը շարունակվում է (տեսանյութ)

Հերթական ապօրինի ու քաղաքացուն տուգանքի մատերիալ դարձնող օրինագծի փուչիկը պայթեց (տեսանյութ)

Գումարը դուրս գրված է, սակայն աշխատանքն արված չէ (տեսանյութ)

● Աշխարհ