Հուլիսի 17-ին, ժամը 19:27-ին ԱԻՆ-ում ահազանգ է ստացվել, որ Մ-2 ավտոճանապարհի Երևան-Արտաշատ հատվածի 1-ին կմ-ին տեղի է ունեցել ՃՏՊ, առկա է վառելիքի արտահոսք:

Դեպքի վայր է մեկնել մեկ մարտական հաշվարկ:

Պարզվել է, որ բախվել են «Volkswagen Bora» մակնիշի 34 AP 659 (վարորդ` 1980 թ. ծնված Գ. Ա.) և «Honda Tucson» մակնիշի 03 OL 660 պետհամարանիշերով (վարորդ` 1941 թ. ծնված Ա. Մ.) ավտոմեքենաները: Մինչ փրկարարների կանչի վայր հասնելը` Գ. Ա.-ը հոսպիտալացվել է «Կենտրոնական կլինիկական զինվորական հոսպիտալ», որտեղ, ստանալով համապատասխան բուժօգնություն, դուրս է գրվել:

Ավտոմեքենաները հոսանքազրկվել են տեղի ուժերով: Փրկարարները փակել են «Volkswagen Bora» մակնիշի ավտոմեքենայի գազի բալոնի փականը: