Հունիսի 17-18-ը ՀՀ ԱԻՆ Ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:

Մասնավորապես` Կոտայքի մարզի Արզնի գյուղի մոտակայքում այրվել է 2000 քմ խոտածածկույթ, Բալահովիտ գյուղի գերեզմանատան տարածքում՝ 2000 քմ, Աբովյան քաղաքի 4-րդ միկրոշրջանի թիվ 52 շենքի մոտակայքում՝ 1000 քմ, Սյունիքի մարզի Գեղանուշ գյուղի պոչամբարի մոտակայքում՝ 5 հա բուսածածկույթ, Վայոց ձորի մարզի Արին և Մալիշկա գյուղերի միջնամասում գտնվող «Այդալիճ» կոչվող տարածքում՝ 16 հա խոտածածկույթ և մոտ 4 հա հացահատիկային մշակաբույսեր, Գոռավան-Արարատ ավտոճանապարհի 4-րդ կմ-ի մոտակայքում` 3000 հնձած խոտի արտ:

Բոլոր հրդեհները հրշեջ-փրկարարները մեկուսացրել են և մարել: