17.11.2024 ● 10:26
17.11.2024 ● 10:07
17.11.2024 ● 09:31
16.11.2024 ● 23:08
16.11.2024 ● 18:56
16.11.2024 ● 12:57
16.11.2024 ● 12:53
16.11.2024 ● 12:46
16.11.2024 ● 12:46
16.11.2024 ● 11:31
16.11.2024 ● 09:37
16.11.2024 ● 09:07
16.11.2024 ● 09:00
16.11.2024 ● 08:45
16.11.2024 ● 08:17
16.11.2024 ● 07:21
Թուրքիան գերմանացի պատգամավորներին արգելել է այցելել Քոնյայի ավիաբազա. Spiegel
Թուրքիան այս անգամ գերմանացի պատգամավորներին արգելել է այցելել Թուրքիայում գտնվող Քոնյայի ՆԱՏՕ-ի ավիաբազա: Գերմանացի պատգամավորների այցը նախատեսված էր հուլիսի 17-ին: razm.info-ն գրում է, որ այս մասին հայտնում է գերմանական Spiegel պարբերականը:
Այցը արգելելու մասին գերմանական կողմին Թուրքիայից հայտնել են հուլիսի 14-ին։ Գերմանիայի ԱԳՆ ուղարկված վերբալ հայտագրում թուրքական կողմը նշել է, որ «թուրք-գերմանական հարաբերությունները այս պահին այնքան վատն են, որ գերմանացի խորհրդարանականների այցը ավիաբազա չի կարող տեղի ունենալ»:
Գերմանիայի խորհրդարանականների՝ հուլիսի 17-ի այցի մասին Գերմանիայի խորհրդարանի մամուլի ծառայությունը հայտնել էր դեռ հուլիսի 7-ին:
Այցի ընթացքում պատգամավորները պետք է ծանոթանային ավիաբազայում տեղակայված վաղ նախազգուշացման և վերահսկման օդային համակարգերով (AWACS) սպառազինված ինքնաթիռների գործունեությանը և ներկա վիճակին:
Քոնյայի ավիաբազա այցի հնարավորության մասին դեռ հունիսի 5-ին հայտնել էր հենց Թուրքիայի արտգործնախարար Մևլյութ Չավուշօղլուն: Նա նշել էր, որ գերմանացի պատգամավորները «Ինջիրլիք» ռազմաբազայի փոխարեն կարող են այցելել Քոնիայում տեղակայված ավիաբազա:
Թուրքական արգելքի հետ կապված՝ Գերմանիան արդեն իր բողոքն է ուղարկել ՆԱՏՕ:
Հիշեցնենք, որ մինչ այս թուրքական կողմը գերմանացի պատգամավորներին չէր թույլատրել այցելել նաև Թուրքիայի տարածքում գտնվող մեկ այլ՝ «Ինջիրլիք» ավիաբազայում ծառայություն իրականացնող Գերմանիայի ԶՈւ զինծառայողներին:
Երկար վեճերից և բանակցություններից հետո գերմանական կողմը ի վերջո որոշեց իր զորքերը դուրս բերել «Ինջիրլիք» ավիաբազայից:
Նշենք, որ ներկայում Քոնիայում տեղակայված ավիաբազայում ՆԱՏՕ-ի զորքերի կազմում ծառայություն է իրականացնում Գերմանիայի ԶՈւ 20-30 զինծառայող: Հենց նրանց շահագործման ներքո են գտնվում ավիաբազայում տեղակայված վաղ նախազգուշացման և վերահսկման օդային համակարգերով (AWACS) սպառազիված ինքնաթիռները: