Ֆրանսիայի հարավում գտնվող Թուլուզ քաղաքում տեղի ունեցած հրաձգության արդյունքում մեկ մարդ զոհվել է, առնվազն վեցը վիրավորումներ են ստացել։ Տուժածներից երկուսի վիճակը ծանր է։

Ինչպես հայտնում է РИА Новости-ն, ավանդական մահմեդական հագուստով երկու անհայտ մոտոցիկլիստ կրակ են բացել անցորդների ուղղությամբ և թաքնվել դեպքի վայրից։

Իրավապահ մարմինների աղբյուրը տեղեկացրել է, որ սպանված տղամարդն ավելի վաղ կասկածվում էր սպանության մեջ։ Քննիչների կարծիքով՝ հանցագործության դրդապատճառը վրեժն է, ինչը բացառում է ահաբեկչության վարկածը։

7or.am