Սպիտակ տան օվալաձև սրահում ԱՄՆ նախագահ Դոնալդ Թրամփի և Հարավային Կորեայի նախագահ Մուն Չժե Ինի հանդիպման պաշտոնական նկարահանման նախապատրաստման ժամանակ լրագրողները երկու անգամ քիչ է մնացել՝ ամերիկացի առաջնորդի վրա նրա կողքին դրված լուսամփոփը գցեն։ Այս մասին հայտնում է ТАСС-ը։

Միջոցառմանը հարավկորեացի բազմաթիվ լրագրողներ են ներկա եղել։ Նրանցից մեկն անզգուշաբար հրել է բազմոցը, ինչի արդյունքում սեղանին դրված լուսամփոփը քիչ է մնացել՝ ընկնի։

ԶԼՄ ներկայացուցիչներին դիմելով՝ ամերիկյան վարչակազմի ղեկավարը նյարդայնացած հանդիմանել է․ «Հանգի՛ստ, տղաներ, հանգի՛ստ։ Դուք գնալով է՛լ ավելի վատն եք դառնում։ Եկեք մի հատ էլ սեղանը շուռ տվեք»։

7or.am