Հունիսի 29-30-ը ՀՀ ԱԻՆ Ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:

Մասնավորապես` Երևան քաղաքի Հրազդանի կիրճում՝ Հաղթանակ կամրջի մոտակայքում, այրվել է մոտ 1000 քմ խոտածածկ տարածք, Արագածոտնի մարզի Թալին քաղաքի Սարյան փողոցի մոտակայքում՝ մոտ 2 հա, Կոտայքի մարզի Եղվարդ քաղաքի գերեզմանատանը՝ մոտ 2 հա, Գառնի գյուղի Ազատամարտիկների փողոցի 1/4 հասցեում՝ մոտ 8 հա չոր խոտածածկույթ, Գեղարքունիքի մարզի Մարտունի քաղաքում՝ մոտ 1 հա, Արագածոտնի մարզի Աշտարակ քաղաքի Ղ. Փարպեցու փողոցում՝ 1000 քմ, Սյունիքի մարզի Սյունիք գյուղի վերջնամասում՝ 6000 քմ բուսածածկ տարածք:

Բոլոր հրդեհները հրշեջ-փրկարարները մեկուսացրել են և մարել: