ԱԺ «Ժառանգություն» խմբակցության անդամ Զարուհի Փաստանջյանին ԵԽԽՎ պատվիրակության կազմից հանելու' ԱԺ նախագահ Հովիկ Աբրահամյանի որոշումից հետո «Ժառանգություն» խմբակցությունը նամակ էր ուղղել Հ. Աբրահամյանին, որտեղ ասված է, թե այդ քայլը անօրինական է, և իրենք «դեռևս կանդրադառնան այդ հակաօրինական քայլին»։

«7օր»-ի թղթակցի հարցին, թե «դեռևս կանդրադառնանք» ասելով' ի՞նչ նկատի ունեն, «Ժառանգություն» կուսակցության վարչության նախագահ Արմեն Մարտիրոսյանը պատասխանել է.

-«ժառանգությունն» այդ ուղղությամբ արդեն աշխատում է, և մենք համապատասխան գրություններ անպայման կուղարկենք միջազգային ասպարեզում աշխատող մեր գործընկերներին։ Հնարավոր է, որ Հայաստանի ներսում փորձենք իրավական լուծում տալ այդ խնդրին: Նկատի ունեմ՝ դատական հայց։

Արմեն Մարտիրոսյանն ասել է, թե այս պահին չի կարող պնդել, բայց խնդրին իրավական լուծում տալու հավանականությունը շատ բարձր է։

-Սա խիստ բացասական քայլ է, որ իրականացրեց ԱԺ նախագահը։

7or.am