-Թուրքիայի վարչապետ Էրդողանի հայտարարությունը ցինիզմի և անհեթեթության ժանրից է,- մեկնաբանելով Թուրքիայի վարաչապետ Էրդողանի այն հայտարությունը, թե ՀՀ սահմանադրական դատարանի որոշման բառերի, նախադասությունների արանքում թաքնված մոտեցումներ կան, և անհրաժեշտ է, որ Երևանն ուղղումներ կատարի այդ որոշման մեջ՝ «7օր»-ին ասել է Հայաստանի հանրապետական կուսակցության մամուլի խոսնակ Էդուարդ Շարմազանովը:

-Թուրքիան լավ կանի՝ իրականացնի միջազգային իր պարատավորությունները, որոնք ստանձնել է հոտեմբերի 10-ին, այլ ոչ թե մեղքը բարդի այս կամ այն ուժի, այդ թվում նաև ՀՀ-ի վրա։ ՀՀ սահմանադրական դատարանը  պարտադիր է մեզ համար, և ՀՀ ՍԴ վճիռը հոկտեմբերի 10-ին հնչած՝ նախագահ Սարգսյանի քաղաքական ելույթի իրավական ձևակերպումն է։ Եթե Թուրքիան համամիտ չէր հայկական կողմի դիրքորոշումներին, ապա հոկտեմբերի 10-ի արձանագրությունների ստորագրումից առաջ է նախագահը հստակ ելույթ ունեցել, և Թուրքիան կարող էր չստորագրել։ Ավելին, Էրդողանը ճիշտ կանի մութ սենյակում կատու չփնտրի այն դեպքում, երբ այդ կատուն իր ուսերին է։

7or.am