Լրագրողների հետ հանդիպման ժամանակ ԱԺ ԲՀԿ խմբակցության անդամ, ԱԺ տնտեսական մշտական հանձնաժողովի փոխնախագահ Վարդան Բոստանջյանն ասել է, թե ըստ ՀՀ կառավարության որդեգրած տնտեսական քաղաքականության՝ 2010թ. ներդումների խթանում, գործարար բարենպաստ պայմանների ստեղծում և արդյունաբերության որոշակի ճյուղերի զարգացում է նախատեսվում, ինչը թույլ է տալիս ենթադրել, որ 2010թ. կլինի ավելի լավը, քան 2009թ.։

Պատասխանելով «7օր»-ի այն հարցին, թե որքանո՞վ է իրատեսական համարում բյուջեով նախատեսված  1,2% տնտեսական աճը՝ նա պատասխանել է, թե հակված է իրատեսական համարել այն։

-Գոյություն ունեցող պայմաններում ես ողբերգական չեմ ուզում համարել նախորդ տարվա մեր այդպիսի անկումը։ Կա ներդրումային, արդյունավետության բարձրացման, ավելի առաջադեմ ճյուղերի գործունեության քաղաքականություն, և այս հանգամանքը 2010թ. ինչպես պետական բյուջեի ծախսային, այպես էլ ծրագրային մոտեցումներով թույլ է տալիս աճի վերաբերյալ կասկած չունենալ,-ասել է ԱԺ պատգամավորը։

Վարդան Բոստանջյանը բավարար է  գնահատել կառավարության աշխատանքը և նշել, որ կառավարության հրաժարականի պահանջը կտրուկ մոտեցում է ու հարիր չէ քաղաքակրթված մարդուն։

7or.am