Մինսկի խմբի համանախագահները ժամանել են Բաքու

● Լրահոս

21.01.2010 ● 10:14

Մինսկի խմբի համանախագահները ժամանել են Բաքու

Տարածաշրջան այցելած ԵԱՀԿ Մինսկի խմբի համանախագահներ Ռոբերտ Բրադկեն, Բեռնար Ֆասյեն և Յուրի Մերզլյակովը Երևանում իրենց այցն ավարտելուց հետո արդեն գտնվում են Բաքվում։ Այս մասին հաղորդում են ադրբեջանական լրատվամիջոցները։

Սպասվում է, որ այսօր նրանք կհանդիպեն Ադրբեջանի նախագահ Իլհամ Ալիևի և արտաքին գործերի նախարար Էլմար Մամեդյարովի հետ։

Նրանց այցի նպատակը ղարաբաղյան հակամարտության կարգավորման շրջանակում Հայաստանի, Ռուսաստանի և Ադրբեջանի նախագահների առաջիկա հանդիպումը նախապատրաստելն է։

Համանախագահները հրաժարվել են Հայաստանի և Ադրբեջանի նախագահների առաջիկա հանդիպման վերաբերյալ որևէ մեկնաբանություն անելուց։

Բեռնար Ֆասյեի խոսքերով՝ նրանք այսօր ոչինչ չեն հրապարակի. «Մենք մամլո հաղորդագրություն կպատրաստենք մեր հանդիպման արդյունքների վերաբերյալ և կտեղադրենք մեր կայքում»,-հավելել է ֆրանսիացի համանախագահը։

Համանախագահները նաև հրաժարվել են պատասխանել հարցին, որը վերաբերել է Հայաստանի և Ադրբեջանի նախագահների՝ հունվարի 25-ին Սոչիում կայնալիք հանդիպման ձևաչափին։

● Այս խորագրի վերջին նյութերը

Ապարանում հրդեհ է բռնկվել ավտովերանորոգման կետերից մեկում կայանված «Mercedes»-ում

16.01.2026 ● 17:02

Ավտոմեքենայի սեփականատերը, ով Արագածոտնի մարզի բնակիչ 46-ամյա Տիգրան Հ.-ն է, բժշկական օգնություն ստանալու նպատակով դիմել է «Ապարան» բժշկական կենտրոն։

Գևորգ եպիսկոպոս Սարոյանը տարիներ շարունակ թեմում ծառայող հոգևորականներիս հանդեպ իրականացրել է հգևոր և հոգեբանական բռնաճնշումներ

16.01.2026 ● 16:34

Գևորգ եպս. Սարոյանը դատական հայց է ներկայացրել Մայր Աթոռ Սուրբ Էջմիածնի դեմ։

Ինչպես է Ալեն Սիմոնյանը ծախսում պարգևավճարը. Արեգնազ Մանուկյան (տեսանյութ)

16.01.2026 ● 16:20

Ալեն Սիմոնյանը, այսպես ասած, տժժում է: Ըստ լուրերի՝ նա Թայլանդում է անցկացրել իր հանգիստը՝ անկանոն պարային շարժումներ անելով դիսկոտեկում: Երբ այս լուրը համադրում ենք պատգամավորների՝ 3 միլիոն դրամ կամ մոտ 8 հազար դոլար պարգևավճար ստանալու լուրի հետ, ապա ստացվում է, որ Ալենը տժժացել է պետական բյուջեի հաշվին: Կամ էլ՝ կրկին Վիվառոյի իր ընկերների հաշվին է ինքնամոռաց տրվել պարային հանգստին: Հիշեցնենք, որ տարիներ առաջ էլ գերթանկարժեք Միկոնոսում էր Ալեն Սիմոնյանը՝ Փաշինյանի աներձագի հետ, տժժիկներ անում Վիվառոյի միջոցներով։ Ի դեպ, Ալեն Սիմոնյանը շտապել է շնորհակալություն հայտնել Թուրքիայի արտաքին գործերի նախարարին, այն բանի համար, որ նա աջակցում է Նիկոլ Փաշինյանին։ Իրականում, հենց սա՛ է Հայաստանի դեմ իրականացբող հիբրիդային պատերազմը։