-Թուրքիայի ԱԳՆ հայտարարությունն իսկապես նոր զարգացումների հնարավորություն է տալիս, կամ ցույց են տալիս, որ նոր զարգացումներ կան,- լրագրողների հետ  հանդիպման ժամանակ ասել է Կիրո Մանոյանը։

Նա նշել է, որ հայ-թուրքական հարաբերությունների կարգավորման գործընթացի՝ փակուղի մտնելու մասին խոսելը շուտ է, սակայն այդ ուղղությամբ նոր զարգացումներ կարող են լինել։ Դրա համար բավարար հիմք է ՀՀ ՍԴ որոշումը և Թուրքիայի ԱԳՆ հայտարարությունը, որից հետո Կ.Մանոյանի կարծիքով չի բացառվում, որ Հիլարի Քլինթոնը կամ Բայդենը զանգահարեն Սերժ Սարգսյանին հավաստիացումներ ստանալու համար. «Հուսով եմ՝ մեր իշխանությունները չպետք է շեղվեն ՀՀ ՍԴ-ի նշած ուղուց և փորձեն նսեմացնել այդ որոշումը»։

Նրա կարծիքով Հայաստանը դեռ շուտ պետք է դուրս գար գործընթացից, սակայն ներկա պայմաններում ՀՀ նախագահն առնվազն պետք է հարգի իր կողմից հրապարակված ժամկետը։ Նա չի բացառել, որ վերոնշյալ իրադարձություններին մարտի վերջերին, ապրիլի սկզբին Թուրքիայի կողմից ինչ-որ հնարք հաջորդի՝ ցույց տալու, որ վավերացման գործընթացն իբր թե սկսել է։ Նա նշել է, որ եթե իշխանություններն ասում են ապրիլ, ուրեմն ապրիլին ամեն ինչ պետք է ավարտվի.

-Եթե Թուրքիան տակավին ձգձգում է, և մեր Ազգային ժողովը տակավին չի մերժել այս արձանագրությունները, պետք է հայտարարի վերջ, որովհետև Թուրքիան տապալեց գործընթացը։ 

7or.am