Թուրքիայի Մալաթիայի հանրապետական գլխավոր դատախազության կողմից գյուլենականների դեմ տարվող հետաքննության շրջանակներում ձերբակալվել է Ադրբեջանում գյյուլենական համայնքի պատասխանատու՝ ոմն Մ.Մ.-ն:

Այդ մասին հայտնում է թուրքական «Agridahaber» լրատվական կայքը` հղում անելով Մալաթիայի նախահանգապետարանի հայտարարությանը: Նշվում է, որ նշյալ անձը հետախուզության մեջ էր գտնվում:

Այլ գործողության ժամանակ տեղի ոստիկանական բաժանմունքի ապօրինության և կազմակերպված հանցանքների դեմ պայքարի աշխատակիցները ձերբակալել են ևս 5 մարդու, ովքեր կասկածվում էին գյուլենականների հետ կապեր ունենալու մեջ: Նրանցից մեկի նկատմամբ կալանավորման որոշում է կայացվել:

Հիշեցնենք, որ գյուլենական համայնքը Թուրքիայում համարվում է ահաբեկչական կազմակերպություն: Իսկ նրա առաջնորդ, իսլամի քարոզիր ամերիկաբնակ միլարդատեր Ֆեթթուլահ Գյուլենը մեղադրվում է 2016-ի հուլիսին ռազմական հեղաշրջման փորձ նախաձեռնելու մեջ:

Աղբյուր` Ermenihaber.am