Քիչ առաջ ավարտվել է ՀՀԿ խորհրդի նիստը, որին մասնակցել է նաև ՀՀ նախագահ Սերժ Սարգսյանը: Որոշվել է Երևանի քաղաքապետի թեկնածու առաջադրել «Հայռուսգազարդ» ընկերության գործադիր տնօրեն Կարեն Կարապետյանին:

Երևանի քաղաքապետի տեղը թափուր էր մնացել Գագիկ Բեգլարյանի հրաժարականից հետո:

Դեկտեմբերի 17-ին Երևանի ավագանին իր արտահերթ նիստում կընտրի Երևանի նոր քաղաքապետին:

ՀՀԿ մամուլի խոսնակ Էդուարդ Շարմազանովը «7օր»-ին փոխանցել է, որ այսօր հրավիրված ՀՀԿ խորհրդի նիստում քննարկվել է նաև մի շարք նախարարների փոփոխության հարցը:

Մասնավորապես որոշվել է ՀՀ արդարադատության նախարար նշանակել Հրայր Թովմասյանին, ՀՀ էկոնոմիկայի նախարար Ներսես Երիցյանին ազատել զբաղեցրած պաշտոնից և Էկոնոմիկայի նախարար նշանակել ՀՀ ֆինանսների նախարար Տիգրան Դավթյանին, իսկ Ֆինանսների նախարար' Կենտրոնական բանկի փոխնախագահ Վաչե Գաբրիելյանին:

-Բոլորն ընդունվել են միաձայան,-«7օր»-ին ասել է Է. Շարմազանովը:  

7or.am