Եթե  Ձեր  ներկայիս  հանդիսավոր  «պայքարը» իշխանությունների օրենսդրական կամայականությունների  դեմ   իրականացվեր Հայաստանի համար թիվ 1 խնդրին զուգընթաց,այն է՝ ընտրախախտ-հանցագործներին  իշխանության լծակներից հեռացման հետևողական և սկզբունքային նախաձեռնություններով, կարելի  էր  հասկանալ և ընդդիմադիր  պահվածք որակել: Սակայն, այն ինչով զբաղված եք այսօր, առնվազն ազնիվ չէ, քանի որ այդ «պայքարն» անթաքույց  երկու նպատակ կարող է հետապնդել'

1. անհեռանկար հավատ, որ ընտրախախտ-հանցագործին կարելի է դաստիարակել,

2. սեփական հեղինակության ձևավորում ընտրողների մոտ:   

Հավանաբար, չեք էլ ցանկանում հիշել,որ ներկա  իշխանությունների օրինականացման կնքահայրերից կամ մասնակիցներից եք նաև Դուք, գուցե' և 

ամենակարևոր:Ափսոսանքով պետք է նշել նաև, որ  Ձեր  ահռելի ներուժն ու հնարավորությունները, այդ  թվում, ստացած  աշխատավարձը, ուղղակի անիմաստ էք վատնում և, անտեսելով անցյալի  փորձը, շարունակում եք անել այն, ինչը վաղուց անարդյունք իրականացվել է ՀՀ  խորհրդարանական ընդդիմությունների կողմից:

Ավելին,ձևականությունները հասել են այն  աստիճանի, որ «մատերի արանքով» եք նայում  անգամ  Ձեր  հռչակած «քաղաքական օրակարգի»  կարևորագույն  խնդրին' ընտրական  գործընթացներին:

Մասնավորապես, ընտրախախտ-հանցագործներին  պատասխանատվության կանչելու,նրանց  կողմից  արդեն իսկ սկսված ընտրաբարեգործությունների  կամ Ձեր գործընկեր-բիզնեսմենների հակասահմանադրական  կարգավիճակի    դեմ  հետևողական նախաձեռնությունների  փոխարեն, «100 տոկոսանոց համամասնական  ընտրակարգ»-ի  վերաբերյալ հակասահմանադրական, այսինքն, անիրականալի առաջարկություն ենք  ներկայացնում,դարձնելով դա անգամ գերագույն  խնդիր:

Իսկ քանի որ վերջինիս  հասկանալու  համար  տարրական պատրաստավածություն չի էլ  պահանջվում, կարելի է մտածել, որ մտածված եք  դա անում' ընտրությունների արդար անցկացման  իրական  խոչընդոտները  քողարկելու և, իշխանություններին այդ աջակցությամբ, Խորհրդարանում  նորից  տեղ  զբաղեցնելու  համար: 

Գուցե և,անելանելի վիճակում գտնվող հայաստանցի  ընտրողը հավատա ժողովրդավարության տպավորություն ստեղծող այս խաղին, սակայն  միթե՞ դա կօգնի անգամ  Ձեզ:

Հարգանքներով'

«Ընդդեմ ՀՀԿ ապօրինություններ» համահայկական  կոմիտեի համակարգող Ռ. Թորոսյան

Հ.Գ. Ի դեպ, այս տարի լրացավ մեր  Խորհրդարանի 20-ամյակը,որի մասին «մոռացել եք» այնպես, ինչպես, իրենց 20-ամյակը չմոռացող ՀՀԿ-ականները: