Լոռու մարզում բնապահպան տեսուչները առանց մայր արջի երկու քոթոթ են գտել. այս մասին տեղեկացնում է Վայրի բնության և մշակութային արժեքների պահպանման հիմնադրամը (FPW), որը ՀՀ բնապահպանության նախարարության բնապահպանական տեսչության պետի կողմից ահազանգ է ստացել քոթոթներին փրկելու կոչով:

«3-4 ամսական արջի ձագուկներ են, հայտնաբերվել են գետի ափին՝ առանց մայրիկի, և մենք ուզում ենք ինչ-որ չափով օգտակար լինենք ձագուկներին»,-տեղեկացրել է Վայրի բնության և մշակութային արժեքների պահպանման հիմնադրամի աշխատակիցը:

Ըստ նրա՝ քոթոթները կանցնեն բուժզննում Երևանի կենդանաբանական այգու նորագույն սարքավորումներով զինված կենդանաբուժական կլինիկայում, որոշ ժամանակ կանցկացնեն Երևանի կենդանաբանական այգում, այնուհետ կտեղափոխվեն Վայրի կենդանիների փրկարար կենտրոնի կարանտինային կայան (Կովկասյան կենսաբազմազանության ապաստարան):

Նշվում է, որ հիմնադրամը կանի հնարավոր ամենը, որպեսզի քոթոթները վերադարձվեն վայրի բնություն:

Աղբյուրը` lorinews.info