«Պերմյակովի պատժի կրման կազմակերպման հարցը հայկական կողմը քննարկում է սեփական նախաձեռնությամբ»․ ԱՆ
Գյումրիում Ավետիսյանների 7 հոգանոց ընտանիքի սպանության համար ցմահ ազատազրկված Վալերի Պերմյակովը հնարավոր է` իր պատիժը կրի Ռուսաստանի Դաշնությունում։ Դրա հավանական իրավական հիմքերը հասկանալու համար այժմ քննարկումներ են ընթանում Հայաստանի արդարադատության նախարարությունում։
Ինչպես «Ազատությանը» փոխանցեց գերատեսչության տեղեկատվության և հասարակայնության հետ կապերի վարչության պետ Լուսինե Մարտիրոսյանը, քննարկման նախաձեռնությունը եղել է հայկական կողմից, ռուսները դրան չեն մասնակցում։
«Քանի որ Ռուսաստանի Դաշնության քաղաքացի, ցմահ ազատազրկման դատապարտված Վալերի Պերմյակովի վերաբերյալ վճիռներ էին կայացրել և՛ Հայաստանի Հանրապետության, և՛ Ռուսաստանի Դաշնության դատարանները, այս պահին [Հայաստանի] արդարադատության նախարարությունում քննարկվում է Պրեմյակովի պատժի կրման կազմակերպման հարցը: Մենք էս քննարկման արդյունքում իրավական հիմքերն ենք ուզում հասկանալ, պատժի կրման կազմակերպման հետ կապված: Նախարարությունն է նախաձեռնել, ներսում է քննարկում, իր աշխատակիցների շրջանակում»,- ասաց նախարարության խոսնակը:
Հարցին՝ որքա՞ն կտևեն այդ քննարկումները և արդո՞ք հնարավոր է, որ Պերմյակովն իր պատիժը կրի Ռուսաստանում, Լուսինե Մարտիրոսյանը պատասխանեց․ «Ժամկետների հետ կապված կդժվարանամ ասել, երբ քննարկումներն ավարտվեն, արդարադատության նախարարությունը պաշտոնապես հաղորդագրություն կտարածի»: Վերջինս նաև նշեց, թե դեռևս հստակ չէ Պերմյակովի պատժի կրման վայրի հարցը:
Ավելի վաղ այն մասին, որ հնարավոր է, որ Պերմյակովը փոխանցվի Ռուսաստանին, տեղեկացրել էր ռուսաստանյան «Ինտերֆաքս» գործակալությունը:
Վալերի Պերմյակովի հայ պաշտպան Էդուարդ Աղաջանյանը ևս չի բացառում, որ դատապարտված ռուս զինծառայողը կարող է տեղափոխվել Ռուսաստան։
«Պերմյակովի պատժի կրման կազմակերպման հարցը հայկական կողմը քննարկում է սեփական նախաձեռնությամբ»․ ԱՆ
Գյումրիում Ավետիսյանների 7 հոգանոց ընտանիքի սպանության համար ցմահ ազատազրկված Վալերի Պերմյակովը հնարավոր է` իր պատիժը կրի Ռուսաստանի Դաշնությունում։ Դրա հավանական իրավական հիմքերը հասկանալու համար այժմ քննարկումներ են ընթանում Հայաստանի արդարադատության նախարարությունում։
Ինչպես «Ազատությանը» փոխանցեց գերատեսչության տեղեկատվության և հասարակայնության հետ կապերի վարչության պետ Լուսինե Մարտիրոսյանը, քննարկման նախաձեռնությունը եղել է հայկական կողմից, ռուսները դրան չեն մասնակցում։
«Քանի որ Ռուսաստանի Դաշնության քաղաքացի, ցմահ ազատազրկման դատապարտված Վալերի Պերմյակովի վերաբերյալ վճիռներ էին կայացրել և՛ Հայաստանի Հանրապետության, և՛ Ռուսաստանի Դաշնության դատարանները, այս պահին [Հայաստանի] արդարադատության նախարարությունում քննարկվում է Պրեմյակովի պատժի կրման կազմակերպման հարցը: Մենք էս քննարկման արդյունքում իրավական հիմքերն ենք ուզում հասկանալ, պատժի կրման կազմակերպման հետ կապված: Նախարարությունն է նախաձեռնել, ներսում է քննարկում, իր աշխատակիցների շրջանակում»,- ասաց նախարարության խոսնակը:
Հարցին՝ որքա՞ն կտևեն այդ քննարկումները և արդո՞ք հնարավոր է, որ Պերմյակովն իր պատիժը կրի Ռուսաստանում, Լուսինե Մարտիրոսյանը պատասխանեց․ «Ժամկետների հետ կապված կդժվարանամ ասել, երբ քննարկումներն ավարտվեն, արդարադատության նախարարությունը պաշտոնապես հաղորդագրություն կտարածի»: Վերջինս նաև նշեց, թե դեռևս հստակ չէ Պերմյակովի պատժի կրման վայրի հարցը:
Ավելի վաղ այն մասին, որ հնարավոր է, որ Պերմյակովը փոխանցվի Ռուսաստանին, տեղեկացրել էր ռուսաստանյան «Ինտերֆաքս» գործակալությունը:
Վալերի Պերմյակովի հայ պաշտպան Էդուարդ Աղաջանյանը ևս չի բացառում, որ դատապարտված ռուս զինծառայողը կարող է տեղափոխվել Ռուսաստան։
Մանրամասները՝ «Ազատություն»-ում։