Կիրակի Ուկրաինայում նախագահական ընտրություններ են

● Լրահոս

16.01.2010 ● 10:22

Կիրակի Ուկրաինայում նախագահական ընտրություններ են

Հունվարի 17-ին Ուկրաինայում նախագահական ընտրություններ են տեղի ունենալու։ Նախընտրական քարոզչության վերջին օրը ելույթ ունենալով տեղի հեռուստաընկերություններից մեկով՝ Ուկրաինայի ներկայիս նախագահ Վիկտոր Յուշչենկոն հայտարարել է, որ միայն ուժեղ նախագահական իշխանությունը կարող է ավելի արդյունավետ հաղթահարել բոլոր մարտահրավերները և անցումային շրջանը։ Նրա կարծիքով նախագահական իշխանության ամրապնդման համար անհրաժեշտ է սահմանափակել պատգամավորական անձեռնմխելիությունը, ընտրություններում բացել կուսակցական ցուցակները և երկպալատ խորհրդարան ձևավորել։

Վ. Յուշչենկոն առաջադրված 18 թեկնածուներից մեկն է։ Նրա մրցակիցներից մեկն էլ ներկայիս վարչապետ Յուլիա Տիմոշենկոն է, ով թվարկել է այն 5 խնդիրները, որոնք պետք է լուծի նախագահական ընտրություններում հաղթելու դեպքում։ Դրանք են՝ երկրի էներգետիկ անկախությանը հասնելը, Եվրոպայի համեմատ բժշկական, գիտական և կրթական գերժամանակակից համակարգերի ստեղծումը, մարդկային զարգացման վարկանիշային ցուցակում Ուկրաինայի դիրքի բարելավումը, օլիգարխներին հեռացնելը և ժողովրդավարական, արդար երկրի կառուցումը, ինչպես նաև Եվրամիությանն անդամագրվելը։

7or.am

● Այս խորագրի վերջին նյութերը

Ապարանում հրդեհ է բռնկվել ավտովերանորոգման կետերից մեկում կայանված «Mercedes»-ում

16.01.2026 ● 17:02

Ավտոմեքենայի սեփականատերը, ով Արագածոտնի մարզի բնակիչ 46-ամյա Տիգրան Հ.-ն է, բժշկական օգնություն ստանալու նպատակով դիմել է «Ապարան» բժշկական կենտրոն։

Գևորգ եպիսկոպոս Սարոյանը տարիներ շարունակ թեմում ծառայող հոգևորականներիս հանդեպ իրականացրել է հգևոր և հոգեբանական բռնաճնշումներ

16.01.2026 ● 16:34

Գևորգ եպս. Սարոյանը դատական հայց է ներկայացրել Մայր Աթոռ Սուրբ Էջմիածնի դեմ։

Ինչպես է Ալեն Սիմոնյանը ծախսում պարգևավճարը. Արեգնազ Մանուկյան (տեսանյութ)

16.01.2026 ● 16:20

Ալեն Սիմոնյանը, այսպես ասած, տժժում է: Ըստ լուրերի՝ նա Թայլանդում է անցկացրել իր հանգիստը՝ անկանոն պարային շարժումներ անելով դիսկոտեկում: Երբ այս լուրը համադրում ենք պատգամավորների՝ 3 միլիոն դրամ կամ մոտ 8 հազար դոլար պարգևավճար ստանալու լուրի հետ, ապա ստացվում է, որ Ալենը տժժացել է պետական բյուջեի հաշվին: Կամ էլ՝ կրկին Վիվառոյի իր ընկերների հաշվին է ինքնամոռաց տրվել պարային հանգստին: Հիշեցնենք, որ տարիներ առաջ էլ գերթանկարժեք Միկոնոսում էր Ալեն Սիմոնյանը՝ Փաշինյանի աներձագի հետ, տժժիկներ անում Վիվառոյի միջոցներով։ Ի դեպ, Ալեն Սիմոնյանը շտապել է շնորհակալություն հայտնել Թուրքիայի արտաքին գործերի նախարարին, այն բանի համար, որ նա աջակցում է Նիկոլ Փաշինյանին։ Իրականում, հենց սա՛ է Հայաստանի դեմ իրականացբող հիբրիդային պատերազմը։