ԱՄՆ պետքարտուղար Հիլարի Քլինթոնը ծրագրում է «WikiLeaks»-ի դիվանագիտական արխիվի հարպարակումների առնչությամբ մոտակա մի քանի շաբաթում պարբերաբար հեռախոսազրույցներ ունենալ աշխարհի առաջնորդների հետ և մեկնաբանություններ տալ բացահայտված տեղեկությունների վերաբերյալ։

Նա նաև ասել է, որ արդեն հասցրել է խոսել ավելի քան տասնյակ առաջնորդների հետ, ովքեր հիշատակվել էին ամերիկյան դեսպանությունների դիվանագիտական նամակագրությունների և ԱՄՆ պետքարտուղարության գաղտնի տվյալների մեջ։

Հիշեցնենք, որ «WikiLeaks»-ը տեղեկություններ է հայտնել Դմիտրի Մեդվեդևի և Վլադիմի Պուտինի, Մահմուդ Ահմադինեջադի, Անգելա Մերկելի, Իլհամ Ալիևի, Թուրքիայի վարչապետ Էրդողանի և  շատ այլ երկրների առաջնորդների մասին։

Սակայն նշենք, որ «WikiLeaks»-ի տվյալներում հայտնված երկրները հիմնականում հայտնել են, որ հրապարակված տեղեկություններն իրենց և ԱՄՆ-ի հարաբերությունների վրա ոչ մի կերպ չեն անդրադառնա։