Հայաստանում տեղակայված Ռուսաստանի ԶՈւ հարավային ռազմական շրջանի ռազմաբազայում մեկնարկել են հետախուզական ստորաբաժանումների մարտավարական, հատուկ նշանակության վարժանքները: razm.info–ն գրում է, որ այս մասին հայտնում է ՌԴ ՊՆ կայքը:

Վարժանքներին մասնակցում է ՌԴ ԶՈւ հարավային ռազմական շրջանի շուրջ 500 զինծառայող, ընդգրկված է ավելի քան 50 միավոր ռազմական տեխնիկա:

«Կամխուդ» զորավարժարանում հետախույզները մշակել են պայմանական հակառակորդի գտնվելու վայրի հայտնաբերման և շրջափակման, դիվերսիոն խմբի շարասյան վրա հարձակվելու և լեռնային վայրում զենքի ու զինամթերքի հայտնաբերման հարցեր:

Հետախույզները պետք է հանձնեն հատուկ նշանակության, մարտավարական, կրակային պատրաստության շուրջ 30 նորմատիվներ: