Ապրիլի 9-ին ավազակային հարձակում էր տեղի ունեցել Երեւանի Կիեւյան փողոցում գործող գրավատներից մեկում: Անհայտ անձինք հափշտակել էին գումար եւ ոսկյա զարդ:

Ոստիկանության Երեւան քաղաքի վարչության եւ Արաբկիրի բաժնի քրեական հետախույզները ավազակային հարձակումը կատարելու կասկածանքով ապրիլի 13-ին հայտնաբերել եւ բերման են ենթարկել Երեւանի բնակիչներ, 22-ամյա Հակոբ Գ.-ին, 23-ամյա Համլետ Գ.-ին եւ 21-ամյա Մարինե Ն.-ին:

Պարզվել է, որ ավազակային հարձակումը կատարել են Հակոբ Գ.-ն եւ 19-ամյա Արմեն Ն.-ն:

Հակոբ Գ.-ն ձերբակալված է: Արմեն Ն.-ն հայտնաբերվել է:

Համլետ Գ.-ն եւ Մարինե Ն.-ն բաց են թողնվել:

Կատարվում է նախաքննություն: