Ապրիլի 11-12-ը ՀՀ ԱԻՆ Ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:

Մասնավորապես, Երևանի Դավիթաշենի կամրջի տակ այրվել է 2000 քմ, Գեղարքունիքի մարզի Վարդենիս քաղաքի Մռավյան փողոցի թիվ 26 տան մոտակայքում՝ 700 հակ, Արարատի մարզի Քաղցրաշեն գյուղի մոտակայքում՝ 3 հա խոտածածկույթ և ջերմահարվել՝ մոտ 50 խնձորենի, Սյունիքի մարզի Մեղրի քաղաքի քոթեջների մոտակայքում՝ 4000 քմ, Մ-2 Երևան-Մեղրի ավտոճանապարհի 119 կմ հատվածում ջերմահարվել 20 բարդու ծառ և մոտ 1 հա խոտածածկ տարածք:

Բոլոր հրդեհները հրշեջ-փրկարարները մեկուսացրել են և մարել: