Ապրիլի 9-ին, ժամը 12:34-ին ԱԻՆ-ում ահազանգ է ստացվել, որ Կապան-Ճակատեն ավտոճանապարհի 4-րդ կմ-ին «Lexus» մակնիշի ավտոմեքենան ընկել է ձորը. կան տուժածներ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ «Lexus GX 470» մակնիշի 54 SD 054 պետհամարանիշով ավտոմեքենան (վարորդ՝ 1954 թ. ծնված Ս. Հ.) դուրս է եկել ավտոճանապարհի երթևեկելի հատվածից և կողաշրջվել. տուժածներ չկան:

Փրկարարները ուղղել են ավտոմեքենան: