Ապրիլի 8-ին՝ ժամը 01:39-ին, ԱԻՆ–ում ահազանգ է ստացվել, որ Հ-1 միջհամայնքային ավտոճանապարհի Աբովյան-Ջրաբեր հատվածում՝ ջրատարի մոտակայքում, ավտոմեքենան դուրս է եկել ավտոճանապարհի երթևեկելի հատվածից և բախվել սյանը, տուժածներ չկան, առկա է ջրատարն ընկնելու վտանգ. անհրաժեշտ է փրկարարների օգնությունը:

Դեպքի վայր է մեկնել հրշեջ փրկարարական ջոկատի օպերատիվ խումբը:

Պարզվել է, որ ВАЗ-21099 մակնիշի 01 MF 099 պետհամարանիշի (վարորդ՝ Է. Ս.) ավտոմեքենան դուրս է եկել ավտոճանապարհի երթևեկելի հատվածից և բախվել սյանը. տուժածներ չկան:

Փրկարարները ավտոճանապարհի երթևեկելի հատված են դուրս բերել ВАЗ-21099 մակնիշի 01 MF 099 պետհամարանիշի ավտոմեքենան: