Մարտի 7-ին՝ ժամը 09:52-ին, ԱԻՆ–ում ահազանգ է ստացվել, որ Արմավիրի մարզի Մուսալեռ գյուղի Բաբաջանյան փողոցի տներից մեկը փլուզվել է, քաղաքացին մնացել է փլատակներում և մահացել. անհրաժեշտ է փրկարարների օգնությունը:

Դեպքի վայր է մեկնել մարզային փրկարարական վարչության օպերատիվ խումբը և մեկ մարտական հաշվարկ:

Պարզվել է, որ փլուզվել է Բաբաջանյան փողոցի տներից մեկի (1954 թ. կառույց) հյուրասենյակի և ննջասենյակի միջնապատը, ինչի հետևանքով 1924 թ. ծնված Ա. Մ.-ը մնացել է փլատակներում և տեղում մահացել:

Փրկարարները փլատակներից դուրս են բերել Ա.Մ.-ի դին և մոտեցրել շտապօգնության ավտոմեքենային: