«Amnesty International» իրավապաշտպան կազմակերպությունը խստորեն դատապարտել է Բելառուսի կողմից բլոգեր Ալեքսանդր Լապշինի արտահանձնումն Ադրբեջանին:

Կազմակերպությունը կոչ է արել դադարեցնել Լապշինի դեմ քրեական վարույթը և անհապաղ ազատ արձակել նրա:

««Հրապարակային կերպով պետության դեմ հայտարարություններ անելու» հիմնավորմամբ քրեական գործի հարուցումը չունի որևէ իրավական հիմք, քանի որ իր բլոգում Ադրբեջանի իշխանությունների նկատմամբ քննադատություն հնչեցնելն ամբողջությամբ տեղավորվում է խոսքի ազատության իրավունքի շրջանակում»,­- նշվում է կազմակերպության տարածած հայտարարության մեջ:

Ընդգծվում է նաև, որ անօրինական մուտքը երկիր չպետք է դիտարկվի որպես քրեորեն պատժելի հանցանք:

«Ալեքսանդր Լապշինին արտահանձնելով Ադրբեջան, որտեղ նա խոշտանգումների և տարատեսակ բռնությունների վտանգի տակ է՝ Բելառուսի իշխանությունները ձախողեցին իրենց պարտավորությունները, որոնք ստանձնել են միջազգային իրավունքով»,­- գրում է կազմակերպությունը։

7or.am