Թիվ 10 ընտրատարածքի պատգամավորության նախկին թեկնածու Հմայակ Հովհաննիսյանը հունվարի 10-ի ընտրություններում մարդկանց մասնակցության ցածր թիվը պայմանավորել է ահաբեկվածության մթնոլորտով։

-Արդեն ցերեկը, երբ քվեարկությունը չէր հատել էկվատորը, հայտնի դարձավ, որ հարձակվել են Պետրոս Մակեյանի վրա, որ ծեծ ու ջարդ է տեղի ունենում, որ մոբիլիզացվել է խուժանը,- «7օր»-ին ասել է Հ. Հովհաննիսյանը՝ ավելացնելով, որ ահաբեկման մթնոլորտը սկսվել է դեռ քվեարկությունից առաջ։

-Ահաբեկապետությանը բնորոշ իրավիճակ է։ Ահաբեկված էին, երբ պատուհաններից տեսան՝ ոստիկանությունն ինչպես էր երկու շարքով կանգնել՝ պատրաստ հարձակվելու ցուցարարների վրա, կրկնելու մարտի 1-ը, մարդիկ տեսնում էին, որ ընտրությունների նախօրյակին ամբողջ ներքին զորքերի անձնակազմը ոտքի է հանվել։ Բա դրանից հետո, երբ 10 զոհ եղավ մարտի 1-ին, ըստ որում՝ բոլորն էլ անկուսակցական։ Մարդիկ իրենց երեխաներին, քույրերին, եղբայրներին կթողնե՞ն, որ գնան մասնակցեն նման ընտրությունների։ Ահա սրանով է պայմանավորված այդ 20%-անոց մասնակցությունը,- նշել է Հ. Հովհաննիսյանը։

7or.am