ԱԺ «Ժառանգություն» խմբակցության ղեկավար Ստեփան Սաֆարյանը «7օր»-ին ասել է, որ ինքը թիվ 10 ընտրատարածքում նախնական տվյալներով ԱԺ պատգամավոր դարձած Արա Սիմոնյանի մասին չէր լսել։

Այս առումով նա նշել է, որ հայաստանյան քաղաքական դաշտին համահունչ են լինում պայմանավորվածություններն ու պարտավորվածությունները, որոնք կայացվում են բարձր ղեկավարության մակարդակով, և այն, որ ««արենայից» հեռացված Արտաշես Գեղամյանի հոդվածներն ամիսներ շարունակ տպագրվում են Սերժ Սարգսյանին ուղղակիորեն սատարող թերթերում, այն, որ «Ազգային միաբանություն» կուսակցության անդամներից մեկը նշանակվում է Հեռուստատեսության և ռադիոյի ազգային հանձնաժողովի անդամ, այն, որ ևս մեկ ներկայացուցիչ այդ կուսակցությունից ընտրվում է պատգամավոր, նշանակում է, որ Հայաստանում ընտրությունը չի գործում. գործում են քաղաքական պայմանավորվածություններն ու պարտավորվածությունները»։

«Նշանակում է՝ Արա Սիմոնյանի պատգամավոր ընտրվելը պայմանավորվածության արդյո՞ւնք էր» հարցին Ստեփան Սաֆարյանը պատասխանել է.

-Ես կարծում եմ, որ իշխանությունն ամեն ինչ արեց, որ կանխատեսելի ելքով ընտրություններ լինեն։

Թիվ 10 ընտրատարածքում ԱԺ պատգամավորի ընտրությունները Ստեփան Սաֆարյանի կարծիքով չեն կայացել։ 

7or.am